-Y nifer uchaf erioed o enwebiadau ar gyfer Gwobrau'r Menywod

Mae trefnwyr Gwobrau Menyw y Flwyddyn Bae Abertawe wedi derbyn y nifer mwyaf eriod o enwebiadau ar gyfer digwyddiad mis Tachwedd.

Trefnir y gwobrau gan y Bae mewn Busnes ac fe'u noddir gan John Collins and Partners LLP,  ac maent yn cydnabod ac yn dathlu cyflawniadau menywod ledled rhanbarth Bae Abertawe.
 
Derbyniwyd dros 90 enwebiad mewn 5 categori, sy'n uwch nag unrhyw flwyddyn flaenorol.
 
Llunnir rhestr fer o'r enwebiadau'n, gyda 15 ohonynt yn mynychu'r seremoni wobrwyo, a gynhelir yn Neuadd Brangwyn, Abertawe ar 30 Tachwedd.
 
Bydd y noson yn cael ei chyflwyno gan Sara Edwards o BBC Cymru a'r comedïwr arobryn Jenny Éclair fydd y siaradwr gwadd.
 
Dywedodd Sarah Toomey, cydlynydd y digwyddiad: “Bu lefel y diddordeb yn uchel eleni ac rydym ni fel trefnwyr wedi cael ein synnu gan ansawdd uchel yr enwebiadau.  Mae hyn yn mynd i wneud swydd y beirniaid yn un hynod o anodd.”
 
Y “Categori Busnes” ddenodd y mwyaf o enwebiadau, gyda 30 ohonynt, y nifer mwyaf erioed.
 
Meddai Paul Newman, Partner Rheoli John Collins and Partners Solicitors: "Mae nifer yr enwebiadau'n adlewyrchu twf, cryfder ac ymrwymiad menywod ledled Bae Abertawe.  Mae nifer o fenywod yn creu argraff yn eu meysydd dewisol bob dydd ac mae'r gwobrau hyn yn cydnabod y rhan anferthol y maent yn ei chwarae yn nhwf parhaus yr economi leol a lles y gymuned."

 
Nodiadau
 
Mae'r pum categori'n cynnwys: Busnes, y Gymuned, Rheolaeth, Technoleg ac Entrepreneur Ifanc.

• 
  Bydd y rheiny sy'n cyrraedd y rownd derfynol ar gyfer pob categori yn mynychu'r seremoni wobrwyo i gystadlu am eu teitl ac am brif deitl Menyw y Flwyddyn Bae Abertawe 2007.
• Cynhelir y gwobrau yn Neuadd Brangwyn, Abertawe nos Wener 30 Tachwedd. 
• Byddant yn cael eu cyflwyno gan Sara Edwards gyda'r siaradwr gwadd Jenny Éclair.  Mae tocynnau ar gael i'r cinio a'r gwobrau ar sail y cyntaf i'r felin am £38 yr un.  I archebu lle, cysylltwch â Sarah Toomey ar 01792 545066 / This email address is being protected from spam bots, you need Javascript enabled to view it