Rhaglen Gynhwysiad

Datblygwyd y Rhaglen Gynhwysiad yn arbennig er mwyn cynorthwyo cleientiaid sydd ar fin dechrau ystyried cychwyn busnes. Y nod yw rhoi cymorth ychwanegol wrth benderfynu a fyddai dechrau busnes yn beth da i chi ac mae wedi'i hanelu at fenywod, rhieni sengl, pobl o dan 30 oed, dros 50 oed a Chymry Cymraeg.

Darperir cefnogaeth fentora ac arbenigol un i un, yn ôl eich anghenion ac mae'n cwmpasu pethau fel:

• Datblygiad personol a chefnogaeth i fagu hyder
• Ystyried manteision ac anfanteision hunangyflogaeth
• Help a chefnogaeth wrth ddewis, ymchwilio a datblygu  syniad am fusnes
• Ystyried meysydd fel gofynion gofal a gofal plant a goblygiadau hynny

Mae gweithdy undydd ar gael hefyd i fenywod a rhieni sengl, pobl o dan 30 oed a Chymry Cymraeg sydd newydd ddechrau ystyried datblygu busnes, a bydd yn eich helpu i:

• Ennill sgiliau busnes allweddol
• Cynllunio'ch amgylchiadau'n well a chael yr amser i ddatblygu      syniadau
•  Nodi sut gellir defnyddio syniadau am fusnes yn llwyddiannus yn y     farchnad
• Deall  pa reoliadau a gweithdrefnau y bydd eu hangen i helpu rheoli busnes
• Adolygu nodau ac amcanion personol ar gyfer eich busnes
• Nodi a datblygu cysylltiadau allweddol i ddatblygu eich busnes

Os oes gennych ddiddordeb, gallwch drefnu apwyntiad neu ddod i'r gweithdy drwy ffonio Ymgynghorydd Cleientiaid Newydd ar 01792 545050