-Cwmnïau Tacsis yn cael help wrth Dendro

Mae Datblygu Cyflenwyr Lleol wedi bod yn gweithio gyda Dinas a Sir Abertawe i ddarparu help a chefnogaeth i gwmnïau tacsis ar draws Abertawe a'r de-orllewin.

Mae Dinas a Sir Abertawe wedi adolygu eu trefniadau ar gyfer darparu  gwasanaethau tacsi ac yn newid eu prosesau tendro ar gyfer y gwasanaethau hyn drwy'r awdurdod i gyd. Bydd y fframwaith contractau newydd yn dechrau ym mis Ionawr 2008 a bydd yn werth mwy na £15 miliwn dros gyfnod o bedair blynedd.

Daw'r contract  newydd o dan ganllawiau caffael yr Undeb Ewropeaidd sy'n gosod proses ffurfiol y mae'n rhaid ei dilyn. Mae hwn yn brofiad cwbl newydd i lawer o ddarparwyr tacsis, a dyma pam mae'r Prosiect Datblygu Cyflenwyr Lleol wedi dod i'r adwy. Trefnodd y prosiect hwn, sy'n cael ei redeg yn ardal Bae Abertawe gan Ganolfan Fusnes Abertawe a Chyswllt Busnes CNPT, sesiynau Ymwybyddiaeth Cyflenwyr ar gyfer yr holl yrwyr tacsis a chwmnïau llogi cerbydau eraill a daeth mwy na 100 o gyflenwyr dros y ddau ddiwrnod.

Yn dilyn hyn dosbarthwyd cam cyntaf y tendro, sef yr Holiaduron Cyn Cymhwyso, i'r holl gwmnïau â diddordeb a rhoddwyd cyngor ac arweiniad dros y ffôn ac un i un i lawer o gyflenwyr. Mae'r cyflenwyr llwyddiannus sydd wedi dod drwy'r cam HCC bellach yn cael eu gwahodd i Dendro ar gyfer y contract fframwaith.

Y terfyn amser ar gyfer cwblhau'r dogfennau tendro yw 23 Gorffennaf 2007 ac mae'r PDCLl, drwy eu Hyrwyddwr Cyflenwyr, Alan Doyle, a'r Cydlynydd Helen Beddow unwaith eto yno i gynnig help llaw i gyflenwyr drwy'r broses hon.

Mae'r contract Tacsis wedi defnyddio'r gwasanaethau a'r gefnogaeth a gynigir gan y Prosiect Datblygu Cyflenwyr Lleol lle mae'r angen mwyaf. Gyda rhai o'r cyflenwyr yn mynd drwy'r broses dendro hon am y tro cyntaf, mae'r gefnogaeth wedi bod yn werthfawr iawn.

Os oes angen mwy o help arnoch gyda'r contract hwn neu os oes gennych eich tendrau eich hun lle mae angen cefnogaeth a chyngor arnoch yn ardal Abertawe, Castell-nedd Port Talbot neu Ben-y-bont ar Ogwr, cysylltwch â'r canlynol:

• Helen Beddow ar 01792 545076 e-bost: This email address is being protected from spam bots, you need Javascript enabled to view it , neu
• Alan Doyle ar 01792 817575 e-bost: This email address is being protected from spam bots, you need Javascript enabled to view it .

I gael mwy o wybodaeth am y Prosiect Datblygu Cyflenwyr Lleol a dod yn aelod o'n gwefan Siop Gontractau, ewch i www.contractshop.co.uk neu cliciwch ar y dudalen ar Wefan y Ganolfan Fusnes.